Proffiliau Aelodau

Ffotograffydd sy’n gweithio ar ddetholiad amrywiol o “Gyfansoddweithiau Celfyddyd Gain” yn rhai Swreal, Canoloesol, y Dadeni, Ceffylau a chelfyddyd ffantasi Gothig. Detholiad o argraffiadau cyfyngedig fforddiadwy o gelf ar werth yn Oriel / Stiwdio preifat Raymond. Edrychaf ymlaen at eich gweld, croeso i bawb.

Mae gen i hoffter angerddol o liw a gwead, a dw i’n cynhyrchu gwaith sy’n adlewyrchu hyn. Fy ngobaith yw ei fod yn cyfleu’r optimistiaeth a’r gorfoledd dw i’n eu teimlo am yr hyn sydd gan y byd i’w gynnig, ac yn codi’r ysbryd yn yr un ffordd â phan dw i’n paentio.

Ar agor trwy gydol y flwyddyn trwy drefnu ymlaen llaw.

Dw i wrth fy modd gyda dwysedd lliw a chyfoeth paent olew, gan daenu’r paent yn dew a heb ei wanhau, ac yn aml yn cymysgu’n uniongyrchol ar y cynfas. Fy nod yw dal realiti ffisegol natur, ei wead, lliw a drama’r golau. Môn yw fy ngwrthrych.

Ar agor trwy gydol y flwyddyn trwy drefnu ymlaen llaw.

Mae Mike Knowles yn darlunio a phaentio’r tirlun sy’n amgylchynu ei gartref a hefyd y ffurf dynol, yn aml yn y dosbarthiadau bywyd a gynigir gan Brifysgol Cymru Bangor lle mae’n Ymgynghorydd Celfyddydau Cain ar hyn o bryd. Mae wedi cynnal sawl arddangosfa ac mae ganddo waith mewn nifer o gasgliadau preifat a chyhoeddus.

Artist breifat iawn yw Veronica Knowles, mae ei thestunau bron i gyd yn canolbwyntio ar ei gardd ei hun, ei theulu, ei ffrindiau a’i hanifeiliaid. Er nad yw hi yn arddangos ei gwaith yn aml, mae ganddi ddarnau mewn casgliadau preifat a chyhoeddus.

(English) I create collage and assemblage art as little collections or scenes composed in shadow boxes.

I like to re-imagine a new meaning for ordinary and extraordinary objects.
My background is in Illustration, and I collect unlikely objects to create shrine like pictures/collages which have their own story or poem.

I received my BA in Art & Design from Newport College of Art, Wales.
I now have a studio on Anglesey.

I am a trained illustrator and I worked for Bangor University as an

Illustrator and book designer, before leaving to go and work in India for several years.

Dw i’n cynllunio ac yn gwneud gemwaith o emau anarferol. Caf fy ysbryoli gan dirwedd hardd a chwedlau hudol yr ynys. Caiff yr holl osodiadau arian eu gwneud o arian amrwd yn fy stiwdio a’r holl emau eu torri â llaw yn fy stiwdio.
Eleni byddaf yn cyfrannu elw yr holl emwaith i helpu ffoaduriaid o’r Ukraine.

Ar agor trwy gydol y flwyddyn trwy drefnu ymlaen llaw.

Olew ar gynfas yw fy ngwaith yn bennaf. Dw i’n mwynhau paentio pob gwrthrych, yn enwedig rhai sy’n ymwneud â gogledd Cymru. Fel arlunydd sydd wedi ennill gwobrau am luniau o awyrennau, dw i’n ceisio adrodd hanes hedfan awyrennau yng Nghymru.

Ar agor trwy gydol y flwyddyn trwy drefnu ymlaen llaw.

Darluniau llaw rydd, inc ar bapur a chynfas. Rwyf yn gwneud anrhegion personol, dyluniadau thematig, logo, symbolau, cynfasau o bob maint, dreigiau Cymreig anhygoel, a llawer mwy!

Iwan Lewis, sydd wedi graddio’n ddiweddar o’r Coleg Celf Brenhinol. Caiff fy nghyfrwng mynegiant ei herio gan angen i amau ei darddiad, o ddeall paentio trwy EG Spielberg i sgwrsio gyda Henri Rousseau trwy danc pysgod.

Wrth barhau gyda’m brwdfrydedd angerddol gyda phrintiau, byddaf yn mwynhau creu canfasau mawr gydag olewau yn yr haf. Bydd y gweithiau mawr a’r printiau’n cael eu harddangos yn ystod y Stiwdios Agored, yn ogystal â phortreadau collage diweddar.

Caf fy ysbrydoli’n gyson gan yr amgylchedd naturiol gan ddarganfod prydferthwch yn y ffurfiau symlaf yn ogystal â’r tirweddau mwyaf dramatig. Rwyf yn hoff o arbrofi gyda amrywiol gyfryngau i fynegi gwead, lliw, naws ac awyrgylch boed hynny mewn paentiadau, ffotograffiaeth neu ddarnau crefft i ddehongli’r amgylchedd sydd o’m cwmpas.

Mae fy ngwaith yn cynnwys morluniau a thirluniau sy’n lleol i Fôn a gogledd Cymru. Dw i’n gweithio mewn dyfrlliwiau ac olewau.

Ar agor trwy gydol y flwyddyn trwy drefnu ymlaen llaw.

Mae fy ngwaith wedi datblygu mewn cylch: rydw i wedi ailddarganfod fy ngwreiddiau paentio ac rydw i’n creu paentiadau naratif ffigurol unwaith eto. Wrth gwrs, mae’r gwaith newydd hwn wedi cael ei ddylanwadau gan fy mhrofiad creadigol blaenorol ac rydw i’n mwynhau cynhyrchu gwaith fel hyn. Yn y paentiadau hyn, mae bywyd bob dydd yn ymgrwydro i dirweddau a lleoliadau cyfarwydd.

Paentio ynys Môn mewn olewau, gan ddangos yr amrywiaeth mawr o wead a thywydd yn y tirwedd.